Contac
Contat
Chir

Nüsc implanc de produziun

L' implant de cogeneraziun (cialt y strom) tl frabicat di stödafüch nü a San Martin é jü en funziun ai 4 de dezëmber dl 2002. Al é metü adöm da na mascin dla dita todëscia Schmitt-Enertec cun na potënza eletrica de ca. 200 kW che prodüj ince cialt por le frabicat de comun, les scores, la calonia y la dlijia.
La produziun anuala é de ca. 200.000 kWh de forza eletrica y 600.000 kWh de energia termica (cialt).
L'energia vëgn fata fora de gas metan che incuinëia cotan manco co le gasöre. Oramai vëgn döta la forza eletrica prodüta can che ara vel le plü: tles ores dl majer consum.

Val'informaziun sura l' implant de cogeneraziun a San Martin

  • Ann de jüda en funziun: 2002
  • Potënza nominala: 200 kW
  • Potënza eletrica: 320 kVA
  • Produziun anuala: 200.000 kWh

Tl 2010 él gnü metü en funziun n implant de cogeneraziun nü alimité a öre vegetal. Chësc implant é gnü fat a Antermëia, olache al é ince l’implant de telescialdamënt. Chësc impormët da adoré bun l'energia termica che vëgn fata dal implant de cogeneraziun. L’implant é situé te n container. Dala pert dla plaza da parché él gnü ciavé ite dui resservars por l’öre vegetal, vignun á na capazité de 35.000 litri.

Val'informaziun sura l' implant de cogeneraziun a Antermëia

  • Ann de jüda en funziun: 2010
  • Potënza nominala: 250 kVA
  • Potënza eletrica: 150 kW
  • Potënza termica: 144 kW
  • Produziun eletrica anuala: 1.170.000 kWh
  • Produziun termica anuala: 1.123.000 kWh

L'implant Rives a Lungiarü, che è de nosta proprieté, é gnü realisé tl ann 2004.
La produziun anuala preodüda é de 1.300.000 kWh:
Al à 2 grups de produziun cun turbina Frances y generadú sincron da 180 kVA a 1000 giri/min.
Al à na condüta dal'ega de 700 m cun ros de gus da 700 mm. Le salt é da 48 m.
La portada mascima é de 800 l/s.

Val'informaziun sura l'implant idroeletrich Rives a Lungiarü

  • Ann de jüda en funziun: 2004
  • Potënza nominala: 194,35 kW
  • Potënza eletrica: 2 x 180 kVA
  • Produziun anuala: 1.300.000 kWh

L'implant Idroeletrich Preroman é a San Martin y vëgn tut a d’infit dala SEA.
Al á döes turbines Pelton a dui piuns.
Al á na condüta dal’ega de 4.500 m cun ros de ghisa da 900 mm.
Le salt é de 248 m y la portada mascima é de 1000 l/s.
Jü en funziun él de jenà dl ann1995.

Val'informaziun sura l'implant idroeletrich Preromana a San Martin

  • Potënza eletrica: 2x1400 kVA
  • Produziun anuala: 10.500.000 kWh

L'implant fotovoltaich da Vi a Lungiarü é le pröm da 10 KW tl Comun da San Martin.

Val'informaziun sura l' implant fotovoltaich da Vi a Lungiarü

  • Ann de jüda en funziun: 2007
  • Potënza nominala: 10,32 kWp
  • Produziun anuala: 13.000 kWh

L'implant fotovoltaich söla staziun di schi da Picolin

Val'informaziun sura l'implant fotovoltaich a Picolin

  • Ann de jüda en funziun: 2010
  • Potënza nominala: 15,26 kWp
  • Produziun anuala: 18.600 kWh

L'implant fotovoltaich realisé sön l tët de majun de Ivan Devall a Pé d'Antermëia

Val'informaziun sura l'implant fotovoltaich a Pe d’Antermëia

  • Ann de jüda en funziun: 2011
  • Potënza nominala: 34,32 kWp
  • Produziun anuala: 42.000 kWh