La SEA gestësc, esclusivamënter por sü mëmbri, deplü implanc de produziun de cialt. Pro chisc alda l’implant de cogeneraziun da San Martin y l'implant de telescialdamënt a Antermëia. Le travert prinzipal de chisc implanc é chël da ti pité ai mëmbri na soluziun de scialdamënt conveniënta y ecologica, cun n sorvisc a n livel alt.
Dal 01.01.2019 inant á la SEA surantut l'implant de telescialdamënt dla Termo Antermoia. De facto gestësc la SEA bele da dui agn i laurs tecnics pro l'implant de telescialdamënt a Antermëia y cun le 2019 é döta la gestiun passada a nosta cooperativa. Denant co tó chësta dezijiun importanta él gnü fat controi spezifics a döt l'implant y ala rëi dles condütes. Les verifiches á desmostré che l'implant é te na buna situaziun, porchël án ince araté che la cumpra sides na bona cossa por i mëmbri de nosta cooperativa.
La SEA gestësc dui implanc che prodüje cialt termich
Indöt vëgnel prodüt zirca 3.125.000 kWh de energia termica al'ann
Vantaji y sparagn por i mëmbri SEA y mëmbri ex Termo Antermoia
Nüs alaziamënc pó gni fac sön la rëi de telescialdamënt d'Antermëia. An mëss devënte mëmbri dla SEA.
