Contac
Contat
Chir

N sorvisc por nösc tëmps

Do avëi metü chisc agn cotan de ros y fira por nüsc colegamënc interns él gnü sëgn le momënt da mëte man da ti pité ince a nüsc mëmbri y cliënc la poscibilité da avëi n sorvisc internet cualitativamënter de n alt livel y da podëi insciö fá frunt ales desfides dl’informatica de nüsc tëmps. Le sorvisc de n internet plü asvelt vëgn porté inant en colaboraziun cun le Comun da San Martin.

La fira otica porta na potënza mascima, flessibilité y stabilité, nia ma por l’internet, mo ince por d’atri sorvisc, sciöche p.ej. la telefonia o la televijiun via internet a alta definiziun. La trasmisciun de de gran cuantites de dac, de contignüs a alta definiziun o sorvisc cloud y online-gaming ne sará tl dagní plü degun problem. La tecnologia nöia dla fira otica impormët de gran prestaziuns, ince tratan n anuzamënt paralel cun d’atres aplicaziuns.

I vantaji de nosc sorvisc:

  • Alta velozité cina 100 Mbit/s
  • Tl dagní ince cina 1000 Mbit/s
  • Poscibilité de laur a destanza (telelaur)
  • Telefonia atira desponibla
  • Televijiun HD cun fira otica
  • Öna na adressa IP statica debann
  • Assistënza daimpró, efiziënta y afidabla

Por ti dé a tröc bele atira na bona conesciun pitunse na soluziun radio de alta cualité, por San Martin de Tor, Lungiarü y Antermëia.

Ciudi la fira otica ? (video)

Les mius ofertes por nüsc tliënc:

Nostes ofertes internet

Este interessé a te taché ite ala fira otica o a na soluziun tres antëna?
Té sö contat cun nosc ofize por damané n preventif.

 

Deplü sön le internet asvelt