Contac
Ofize+39 0474 524069
Assistënza+39 0474 506088
Contat
Chir

Implanc de produziun de energia termica

Bele denanco mëte man i laurs de costruziun dl magazin di Stödafüch y dla calonia da San Martin, á le Consëi de Comun ponsé do sciöche ara jiss da sparagné valch söl scialdé di fabricac de Comun y dla Cöra. Insciö él gnü tut la dezijiun da ti afidé ala SEA la realisaziun y la gestiun de n implant da scialdé nü, te locai metüs a desposiziun dal Comun. Insciö á la SEA realisé n proiet por na cogeneraziun alimentada a gas metan che incuinëia cotan manco co le gasöre, che fej eletrizité y tl medemo tëmp ince cialt. Por i utënc tacá ite (Comun, Stödafüch, Scores, Ploania, Cassa Raiffeisen, Assozaziun turistica) comporta chësta soluziun n sparagn de passa le 25% söl cost dl scialdé y lapró toma demez dötes les atres spëises de manutenziun y gestiun. L' implant de cogeneraziun é jü en funziun ai 4 de dezëmber dl 2002. Al é metü adöm da na mascin dla dita todëscia Schmitt-Enertec cun na potënza eletrica de ca. 200 kW, che fej ince cialt.
La produziun anuala é de ca. 200.000 kWh de forza eletrica y 600.000 kWh de energia termica (cialt).
Oramai vëgn döta la forza eletrica prodüta tl fascia orara olache ara vel le plü: tles ores dl majer consum.

Val'informaziun sura nosc implant de cogeneraziun a San Martin de Tor

  • Ann de jüda en funziun: 2002
  • Potënza nominala: 200 kW
  • Potënza eletrica: 320 kVA
  • Produziun anuala: 200.000 kWh

L'implant de teleriscaldamënt dla SEA, ex Termo Antermoia é gnü metü n funziun l'ann 2006. L'implant vëgn alimenté a lëgna y partësc fora energia termica tles abitaziuns dl paisc d'Antermëia. Indöt el 49 tliënc che á n consum annual de passa 1.500.000 kWh.
Tl'ann 2019 el gnü sostituí l borjadú a öre cun na cialdira a lëgna da 351 kW. Tl'ann 2021 el spo ince gnü sostituí la gran cialdira Kohlbach (1,2 MW) cun n borjadú plü pice y efiziënt; l medemo borjadú instalé sciöch bel tl 2019. Chësc por garantí la mascima efiziënza dl'implant de telescialdamënt.

Val'informaziun sura nosc implant de telescialdamënt a Antermëia

  • Ann de jüda en funziun: 2006
  • Potënza nominala borjadú Almar1: 351 kW
  • Potënza nominala borjadú Almar2: 351 kW
  • Produziun termica anuala: 1.500.000 kWh
  • Consum anual de ziples de lëgna: 1.700 - 2.000 srm